› 選擇地區
三藩市
紐約
洛杉磯
其他美國地區
香港 台灣 北美
 
2008年06月26日

隔牆有耳:海洋公園遲來的廣告 - 李八方

海洋公園獲贈國寶中華鱘,如意算盤係同四隻大熊貓拍住上,水陸二路吸引遊客,對付老外米奇老鼠,可惜人算不如天算,其中一條中華鱘不幸命喪海狼之口。八方噚日睇雜誌,見到海洋公園賣廣告,指五條中華鱘已進駐公園,意外事出突然,海洋公園都諗唔到國寶遇害,呢個廣告都算賣得唔合時。
為免倖存四條國寶有咩不測,海洋公園即時撈起佢哋,送到檢疫所避一避,最快下個月先會公開展覽,所以暫時公眾唔可以見到幾條國寶,可能要等內地送多條嚟香港,五條國寶齊齊整整先亮相,海洋公園網頁有幾條中華鱘相片,想先睹為快,惟有上網望梅止渴。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載