› 選擇地區
三藩市
紐約
洛杉磯
其他美國地區
香港 台灣 北美
 
2008年06月26日

隔牆有耳:范太差啲捲入「風眼」 - 李八方

范太噚日轉軚召議員開會,差啲釀成政治風波。資料圖片

「風神」來勢洶洶,雖然掛起8號波,好彩冇造成大混亂或重大損失,不過「風神」掠過香港之際,卻引起立法會一個小風波,差啲考起主席范太。
噚日星期三立法會舉行例會,范太冒住風雨朝早九點就返到立法會,昅實最新風暴消息,決定如果早上11點仍未落8號波,噚日就取消所有會議,否則押後至下午兩點半開會。點知通知議員上述決定後,天文台喺11點15分左右落波。既然天氣好轉,范太轉軚召議員下午如常開會。
下晝開會時,吳靄儀忽然提出,根據主席決定,會議已經取消,佢擔心忽然開會,噚日通過嘅法例可能無效,日後被人司法覆核,造成執法困難後果難料,要求法律顧問澄清會議是否合法。

主席可隨時召集會議

呢個時候,李柱銘主動「投案」,話係佢建議范太收回成命,因為仲有好多草案需要喺7月休會前通過,既然已經落波,就唔好嘥時間;內會主席劉健儀都話,按規則主席可隨時召集會議,所以噚日下晝開會冇問題。兩人費一輪唇舌解釋,風波戛然平息,范太冇被捲入風眼。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載