› 選擇地區
三藩市
紐約
洛杉磯
其他美國地區
香港 台灣 北美
 
2008年06月06日

隔牆有耳:亞視洗脫官台之名 - 李八方

何定鈞(左二)過檔亞視決心洗脫官台形象,今鋪民政局冇搵亞視幫手籌款,佢應該開心先係。

幾年前,ATV因為新聞報道同時事評論節目取向太過偏袒政府,被視為官方電視台,自從何定鈞從無綫過檔亞視後,就好想洗脫「香港中央台」呢個朵。八方證實唔到ATV有冇洗心革面,但係有件事,就引證咗亞視真係唔再係官台。
喺四川大地震之後,無綫同亞視馬上推出賑災節目,無綫更呼籲市民可以捐款畀民政事務局局長法團戶口。亞視中人話,唔知點解民政局只係搵無綫募捐,卻完全當亞視透明,冇提供官方戶口畀佢哋。民政局新聞官冇解釋呢個涉嫌大細超現象,只係話早已經發出新聞稿,任何傳媒都可以公佈官方戶口。其實亞視唔使㷫,既然佢哋唔鍾意官台呢個朵(只係個朵),今次咪順水推舟,讓畀對家囉。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載