› 選擇地區
三藩市
紐約
洛杉磯
其他美國地區
香港 台灣 北美
 
2008年06月06日

隔牆有耳:大K同郭老太食飯做節 - 李八方

郭炳湘提早同郭老太(左)食飯過端午節,皆因兩人各自都要出遠門。
資料圖片

兩母子又點會有隔夜仇呢?「郭家大事」得郭老太出山做主席暫告一段落。大K郭炳湘狀告兩個細佬誹謗,但唔代表同阿媽冇偈傾。八方收到風,大K上星期六同郭老太一齊食午飯,喺端午節前提早做節。

兩個細佬冇到

呢餐飯主角係老太,大K帶埋太太Wendy、乖仔一齊到,捲入誹謗官司嘅新地董事、舅父鄺準都有份,美中不足係兩個細佬冇一齊嚟,如果嚟埋,一家人齊齊整整咪家和萬事興囉。大K提早同阿媽做節,知情人士強調唔係因為要搶先過細佬或者想避見其他家人,而係因為老太稍後會出門遠遊,大K又會出埠散心,既然約到時間,咪早啲食餐飯過節囉。
大K𠵱家只係非執董,應該大把時間四圍去,據講呢次散心目的地唔係美國,費事又俾人迫佢睇醫生咁話。江湖傳聞大Sir鍾士元可能唔再做新地非執董,免得左右做人難,慘成家事磨心,有人話大K對此感到好欣慰,事關仲有人肯講句公道話。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載