› 選擇地區
三藩市
紐約
洛杉磯
其他美國地區
香港 台灣 北美
 
2008年03月28日

隔牆有耳:女主播食餅出晒街 - 李八方

TVB女主播龔偉怡噚日偷雞食餅亁鏡頭,意外直播出街。
YouTube畫面

無綫新一代萬人迷女主播龔偉怡(Ada),噚日一早就畀個驚喜班fans,佢主持《香港早晨》時可能未食早餐,偷雞食餅亁鏡頭竟然直播出街,穿崩鏡頭隨即俾人擺上YouTube,名為「香港早晨女主播公然食餅」。
噚日節目由盤翠瑩同Ada一齊主持,首段新聞係記者彭國柱喺大嶼山海面,現場報道沉船打撈最新情況,但訊號好唔穩定,後來突然中斷,控制人員好醒目,即時轉接直播室畫面,但可能人有錯手,竟然將Ada食緊餅亁鏡頭播出街,隨即發現唔妥,半秒間鏡頭一轉,盤翠瑩若無其事繼續報道新聞,唔知Ada有冇嚇到鯁親。
其實TVB女主播、記者偶有穿崩,香蕉、蘋果都試過入鏡,已過檔有線嘅王春媚仲試過俾曱甴突襲㖭!

中大畢業 主打財經

Ada喺中大新聞與傳播學系畢業後加入有線新聞,然後跳槽無綫做財經記者,𠵱家主要做《香港早晨》財經主播同《財經透視》主持,出鏡時斯斯文文OL打扮,令佢成為唔少男觀眾嘅「女神」。
香港女主播穿崩算小兒科,內地中央台今個月中,離奇播出女主播賀紅梅補妝鏡頭,事後要公開道歉;今年2月,另一女主播秦方被指直播時凸點,震撼全國,國內網民對佢有冇着內衣出鏡爭論至今未休。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載