› 選擇地區
三藩市
紐約
洛杉磯
其他美國地區
香港 台灣 北美
 
2007年10月07日

隔牆有耳:葉劉私怨擺上枱 - 李八方

葉劉(右)噚日到港台接受訪問,話當年陳太唔畀佢坐正有兩大理由。

兩太大戰劇情峯迴路轉,情節本來大仁大義,最新發展竟然滲入恩怨情仇!葉劉噚日接受港台節目《清談一點鐘》訪問,主持人問佢,官場盛傳陳太曾經阻撓葉劉坐正做D8級官員,兩人早有牙齒印云云。
葉劉話當年升職見board,陳太見過佢,但卻唔批佢升正,就算做到保安局局長都係署任D8,後來得老董賞識,葉劉終於坐正。佢噚日話當時陳太有兩大理由唔畀佢坐正,一個係認為佢有野心,另一個係指佢講保安局前局長黎慶寧壞話。葉劉話做政務官梗係有野心,個個都想升官,至於第二個理由,佢冇公開解釋。陳太對此不作回應。未正面交鋒已咁精采,真係好戲在後頭。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載