› 選擇地區
三藩市
紐約
洛杉磯
其他美國地區
香港 台灣 北美
 
2007年10月07日

隔牆有耳:限定版普選遮入場先有 - 李八方

參與撐遮爭取2012普選嘅市民,將獲發證書證明你有份創造世界紀錄。

參加過7.1遊行嘅市民,相信屋企唔多唔少有啲7.1紀念品,T恤、海報、襟章諸如此類,八方都儲埋唔少,作為參與過呢啲歷史大事嘅紀錄。今日撐2012普選活動都有紀念品,參加者只要向大會登記姓名,之後就可以獲發一張證書,證明你有份參加呢個「創世界紀錄,撐一二普選」盛事。
呢張證書唔單止證明你有份創造世界紀錄,仲證明你身體力行為香港民主發展出過力,唔係好似葉劉咁,企出嚟撐一撐都耍手擰頭,得把口!葉劉噚日指泛民淨係識搞遊行令佢好失望,八方反問葉劉一句,如果當年唔係有五十萬香港人上街,你又會唔會落台?如果有普選,香港人使乜上街?香港人已經頂唔順你啲廢話,請你唔好再侮辱我哋嘅智慧!

記得攞齊簽名

今日去維園撐普選,入場時會獲發一把遮,八方提醒大家唔好嘥咗呢個黃金機會,一遮在手,最好搵泛民議員簽名留念,仲要記得請陳太都大筆一揮簽個名,集齊咁多個人簽名,呢把遮認真有紀念價值,由於係場內限定版,怕且ebay都冇得拍賣。唔好話八方唔提醒你,入場撐遮人士先有機會攞到呢把遮,先到先得,而且索取簽名者應該相當多,大家早啲到場有着數。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載