› 選擇地區
三藩市
紐約
洛杉磯
其他美國地區
香港 台灣 北美
 
2007年08月28日

情傷女子視力模糊
專家:潛意識覺得冇帶眼識人

【本報訊】心盲,不是真的盲。兩位情傷女子,一個被拋棄後視力模糊不清,即使在夢中,遺棄她的人同樣扭曲變形;另一個目擊丈夫與好友偷情,從此無法流下一滴淚,被眼亁折騰數載,淚腺再沒分泌,久醫不癒,直至找到心理治療師,才找出原委:世間上,令人蒙蔽原來不但是頑疾,還有壓在胸臆那段無法言明的感情。 記者:張嘉雯

美國應用心理學會(AIAP)認可心理培訓師黃偉鴻說,早前接到一名年輕女子求助,病人經常覺得眼矇,即使在夢中景象一樣矇矓,特別在見到前度男朋友的時候,「好奇怪㗎喎,佢前男友一出現,啲影像就會扭曲,乜都睇唔清楚。」病人多次向醫生及眼科醫生求助,但不得要領,「醫生驗過晒,都話佢冇嘢。」
黃偉鴻由前男友的感情入手,發現這位女病人與男友分手後就開始眼矇,最終在認識新男友後不藥而癒,「情緒好容易影響視覺,個女仔潛意識裏面覺得自己冇帶眼識人,睇錯咗人,所以就成日覺得矇。」
他的另一名病人任職金融業,一次出差早歸,目擊丈夫與友人在家中偷情,「佢當時見到門口有對鞋,已經知道有啲嘢,跟住行入屋,行到房門前,開門,見到個情況,跟住叫佢先生着番衫,佢喺廳度等,之後好冷靜咁同個先生講,佢知道件事係咁,之後要點點點。」這位女士後來跟丈夫離婚,亦分開居住,但自始淚腺停止分泌淚水。

「緊張時淚水較少」

「佢又係睇咗好多醫生,成日滴眼藥水都唔掂,隻眼覺得好刮,瞓覺都瞓唔到。」黃偉鴻協助這位病人找出眼亁的原委,這位女士了解自己的情況後,接受治療,即場大哭。
眼科專科醫生陳偉民解釋,現時有儀器可以測得病人是否真的「看不到」,是否生理問題。「有啲人係工傷想要多啲賠償,想支取更多病假,入嚟嘅時候矇查查,周圍摸住啲嘢,行出房就行得好快,成日麻醉自己盲,盲盲吓自己都以為係真。」他說,亦有病人投訴視線範圍收窄,「例如睇到中間睇唔到側邊咁,其實都係想轉移醫生視線。」
他表示,若病人患抑鬱症或受情緒影響,也可能影響視覺,眼科醫生會與精神科醫生合作診治。至於亁眼症,多與年齡、荷爾蒙藥、神經線、缺乏維他命A等有關,「淚腺由交感神經控制,未必同精神狀態有關,好似人緊張嘅時候淚水亦都較少,但都可能受精神科藥物影響。」
他說,病人可以使用人造淚水,嚴重者可塗用藥膏,服用荷爾蒙補充劑,轉用其他精神科藥物等。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載