蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年06月21日
馬上成為壹會員

追車不果尋仇惡漢打司機

被惡乘客強行打開車門扯落車司機(左),事後向警員講述經過。

【本報訊】「我架車啱啱開行緊佢追上嚟拍打車門,我見後面有另一架小巴駛到,用手示意佢坐後面架,我冇理佢繼續開車,估唔到佢咁好火,到咗總站仲要找我晦氣!」一部專線小巴昨在慈雲山未有停車接載追車惡漢,駛至黃大仙地鐵站總站,惡乘客竟乘尾隨小巴趕到報復,拉開車門強行扯司機落車動粗,幸站長及其他司機居中調停,惡乘客憤然離去,司機受傷報警及追究。
遇襲小巴司機姓馮(48歲),駕駛往來慈雲山與黃大仙地鐵站的37M專線小巴。昨晨近9時,事主駕駛小巴在慈雲山中心外毓華街上客後開車,一名年約20餘歲、約6呎高青年追車拍打車門,要求事主停車開門讓他登車。事主見尾隨另一部小巴駛至,示意對方乘坐該小巴繼續開車離去。

坐尾隨小巴趕至

當事主的小巴駛至沙田坳道黃大仙地鐵站總站落客時,該名追車男子乘坐尾隨小巴趕至,怒氣沖沖的拉開事主小巴車門,揪着他胸口強行扯出車外動粗,同時大叫,「我趕時間,你明明見到我做乜唔停車呀?」
姓陳(38歲)站長以及其他司機幫忙調停,該惡漢一輪爆粗洩憤之後,悻悻然離去。
「如果後面冇車嚟我一定停車開門畀佢,大家向來都係咁做啦!但見後面有架車嚟緊距離幾十米,佢坐嗰架車時間相差唔到一分幾鐘,而且我架車已經開行緊,所以冇停車畀佢,結果咁都會出事!」事主向其他司機大吐苦水時,一臉無奈。他其後發覺被惡漢扯落車時胸口遭抓損,加上車門輕微損毀決定報警追究,事後被送院檢查。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載