› 選擇地區
三藩市
紐約
洛杉磯
其他美國地區
香港 台灣 北美
 
2007年05月29日

隔牆有耳:999,白姐姐搣我膊頭 - 李八方

白韻琴同謝偉俊事後喺酒店午膳,心情冇受影響。
梁偉權攝

銅鑼灣怡東酒店健身室噚日發生一宗奇案,涉及兩個奇女子,一個係才女白姐姐,另一個身份神秘,但行徑離奇。事緣噚日有人喺怡東酒店嘅會所做Gym嘅時候,因使用更衣室問題發生爭執,有人講咗啲「好難聽嘅說話」,惹起白姐姐把火,更有所動作,要警員到場處理,事後兩個女主角當乜事都冇發生過,出奇地大方。

更衣室發生爭執

警方消息話,噚日上晝10點半,44歲姓陳女士報警,聲稱喺怡東俾白姐姐搣親右邊膊頭。警員接報到場了解,發現兩人因為使用更衣室爭執,但最終雙方同意和解,案件列作糾紛案處理。既然小事化無,怡東保安人員好識做,幫口打圓場,「冇事,唔關白姐姐事,誤會啫!」至於另一女主角陳女士,事後曾入醫院,但冇睇醫生,搞咗一輪,最後話算數。
白姐姐同八方講,佢受過高等教育,「唔會打人」。佢強調只係小事,「總之今日遇到個瘟神,好唔好彩,俾個瘟神玩謝。我同阿Paul(律師男友謝偉俊)做Gym,有個女人講咗啲好難聽嘅說話,咁我咪行開囉!」法律界人士話,搣人可以當傷人罪處理,萬一告上法庭,可大可小㗎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載