› 選擇地區
三藩市
紐約
洛杉磯
其他美國地區
香港 台灣 北美
 
2007年05月29日

隔牆有耳:樹倒間屋散 杜Sir發晒難 - 李八方

成棵樹冧落嚟砸住杜Sir間屋同私人泳池,搞到全屋停電。
鄭大康攝

金像導演杜琪峯喺影壇呼風喚雨,面對黃雨卻無能為力,對住官僚更加冇符!前日下晝橫風橫雨,杜Sir西貢早禾坑寓所外一棵十幾呎高大樹俾風吹冧,部份樹身跌入佢花園個泳池,砸爛咗圍牆同屋頂,最大鑊係電纜受損,全屋停電,電話同有線電視都失靈。

要查清棵樹屬於邊個

杜Sir同八方講,事後佢call過警方、地政處同路政署,要求派人搬走棵樹,點知政府部門將佢當人球踢嚟踢去,話要查清楚棵樹係官地樹木定私人種植,若屬後者,政府部門愛莫能助。搞足一日都未有人搬走棵樹,激到杜Sir紮紮跳。
「又話強政勵治,搬棵樹都搞唔掂,拆鐘樓、拆碼頭又咁快手,不如快啲普選好過啦。」杜Sir話損失有限,不過官僚作風令佢把幾火,見到棵「不速之客」冧咗喺屋度賴死唔走,真係眼寃。地政總署發言人好官腔咁同八方解釋,由於要先確定棵樹係位於官地定私家地,如果證實屬官地樹木,部門會負責,否則就要追究地主。查咗半日,終於證實係官地樹木,署方話會盡快搬走棵樹,賠償問題則唔係佢哋部門負責。有律師話,如果杜Sir要索償,可以透過民事訴訟,但相信有排搞。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載