蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年05月26日

討論區精華:「奢侈」享受腸仔包

童年吃腸仔包的滋味,令網友回味不已。

外國用麵包夾腸仔是有名的hotdog熱狗,香港人自創一個變奏版本,成為街頭巷尾麵包店長青包點──腸仔包。不少人由細食到大,食腸仔包也各有心得,肥妹仔表示,她吃腸仔包時,會先吃外層的麵包,再慢慢品嚐那條滋味的腸仔,「永遠唔會夾埋一齊食,我覺得分開食好食好多,你哋會唔會咁食法呢?」
Kit說,細個時都是先食包後食腸,覺得分開食才可享受到腸仔的真味道,「𠵱家大個咗,就無咁食嘞。」麥兜則說,「我係食咗條香腸先食個包。」一個腸仔包令網友細味童年的樂趣,回想以往上學時,會買腸仔包作早餐,「媽媽會買個腸仔包畀我帶返學校,搭校車時食包,小息時食腸。」Cindy說最討厭無餡的「齋」包,「我通常食剩最尾嗰啖包就丟咗佢。」
為甚麼𡃁仔時把腸仔與包分開吃,人長大了卻不會如此做呢?Hold-on說:「朝早好趕時間返工,食腸仔包都係幾啖食晒落肚就算,邊有得慢慢歎。」怪俠慨歎為世所迫,就算只是吃一個腸仔包的時間,也十分奢侈,「求其塞飽就算啦。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載