› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

ipork點擊︰變陣七改八 - 陶傑

凸首吮舉口技次回祭,呔巾備戰,積極變陣:繼唔准拍手之外,次回埋牙時間,亦推遲一粒鐘,由黃昏七點,改為八點開鑼!
因為中產階級,工作人口,好多忙於搵食,六七點仲開緊OT,未趕得切返屋企,而七點鐘仲喺屋企無所事事,打開個電視嘅,唔係獨居老人,就係屋邨師奶,呢一隻觀眾嘅檔次,對呔營尤為不利!
因為時間早少少嘅電視觀眾,多數唔係癡呆,就係冇乜腦,例如啲屋邨師奶,對住袋巾嗰隻舞男式嘅曖昧笑容,好易經受唔起誘惑,畀佢儍笑得兩嘢,唔理佢噏嘢有冇內容,啲中年師奶,喺精神上,早已爭先寬衣解帶瞓身Buy晒!
推遲到八點就唔同嘞!呢個鐘數,一家之主嘅男士,都經已放工返到屋企,坐到正一正!一齊睇電視,當袋巾再次發功賣笑,睇到師奶有晒反應,塊面開始紅粉緋緋嗰陣,做老公嘅,就可以及時執行夫權,即時喝住,並予以理性導讀,嚴正指出:都係煲呔列舉嘅數據,更加實在,吮凸首,唔係吮港男,咁就可以及時將師奶個魂魄由袋巾個袋袋裏面,急Call番嚟,對於民意調查,影響舉足輕重!
吮舉口技大賽,時間七改八,係正確嘅!不過重有樣:打波都有十五分鐘中場休息,吮舉口技,體能消耗龐大,是但一方,上半場衰咗,中場休息,入到更衣室,都有教練惡補,教佢變吓陣!
好似上回咁,若果有中場,呔營就可以即時向主人塊面打補針,令佢鬆弛少少,而巾營方面,亦可以由表姐大導畀張紙板枱佢,叫佢起雙飛踢散張枱,進一步狂牛式催谷,跟住兩個再出場,就會噴火,將氣氛再推向高潮!

同時亦畀電視台收吓廣告,萬事大唔過個錢字,唔使搵食或者做靚盤數搵買家咩?民主大晒呀?

蘋果日報fb,每日分享精選新聞及網絡新鮮事。
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載