› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

施雅治愛駒退役又喊 - 李八方

精英大師昨午正式退役,馬主施雅治(中)諗起要同愛駒分離,即刻淚灑馬場。

去馬場係咪一定賭馬,答案原來未必。馬王「精英大師」噚日正式告別,場內三萬多人齊齊共睹良駒綠茵場上最後風采。就現場所見,有一批唔多似忠實馬迷嘅師奶同後生仔,揸住旗仔響看台及欄邊又搖又叫,作為對呢匹由香港威到日本嘅佳駟衷心致敬,表達完心意,跟手又大批擁到馬場精品店,排晒隊買馬會特製嘅「精英大師」T恤、匙扣、八達通卡等紀念品,咁神心,搞到馬主施雅治鬼咁感動。
施雅治響馬圈出名性情中人,贏馬喊一餐,輸馬亦喊一餐;噚日歡送呢一刻,感性嘅佢難免又眼濕濕。不過佢同八方講,諗到「精英大師」準備返澳洲優哉游哉,根本開心先至真,至於抹嘅係汗抑或眼淚,講真又有乜所謂?不過佢臨走好遺憾咁話,本應想趁「精英大師」返馬房前錫佢一啖,但匹馬呢排冇操火氣盛,為免發生意外,都係遲啲先錫番補數。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載