› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

一哥寸肥仔明大口 - 李八方

肥仔明特登預備啲上海春卷,招待嚟拜年嘅傳媒朋友。

自從民主黨李華明有咗「傳媒之友」呢個花朵後,好多官同佢講嘢多咗戒心,有啲甚至連電話都唔多願畀,怕且係驚佢報料畀傳媒!佢噚日同八方講,前幾日見到新一哥鄧竟成,諗住問佢攞個手電號碼,等日後多多聯絡,點知一哥好鬼死猶豫,仲反問:「你係咪好大口?」搞到肥仔明勁冇癮。
寸咗肥仔明一輪,一哥最後都講咗佢電話畀佢知。肥仔明就勁呻,「傳媒之友」呢個花朵,真係愛佢變咗害佢,搞到個個官都以為佢乜都講!
肥仔明同太太噚日招待嚟拜年嘅記者時又爆料話,佢老婆前晚突然收到電話錄音嘅調查,問佢住邊區?下年會選乜人?佢老婆答九龍東後,就有幾條名單畀佢揀,第一條名單竟然喺自由黨嘅醫生李躍輝。唔使問都知係自由黨做調查,睇吓李躍輝有幾多人支持。
李躍輝選過醫學界選委,八方記得佢用過萬蚊嚟選,但票數就勁低。咁多電話唔打打去肥仔明屋企,自由黨都算唔好彩,唔覺意洩漏咗軍情㖭!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載