› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

吳克儉唔敢派利是 - 李八方

呢排烽煙四起嘅教育學院,唔係校長莫禮時爆阿瑟王、羅范啲衰嘢,唔係就係副校長陸鴻基出嚟爆教統局高官、校董會副主席吳克儉插手管校政,總之就是非不絕!八方噚日同剛榮升做新是非主角嘅吳克儉傾偈,吳生話今日將會入去教院,同啲高層、教職員見吓面,了解吓佢哋諗乜,加強溝通。至於夜晚,就會同學生代表見面,當係新春團拜,食吓團年飯,搞搞友善溝通。
新年流流,派利是係聯絡感情嘅最佳辦法。八方問吳克儉會唔會派利是畀學生、教職員?吳生聽到即刻耍手擰頭,佢話唔係孤寒唔捨得派利是,而係驚派利是畀學生或者教職員,會畀人話佢用錢收買人心,到時就真係水洗都唔清。況且𠵱家係敏感時期,容乜易有人玩大,去埋廉署投訴,到時就真係新正頭派利是搞到一身蟻啦!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載