› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

鄭裕玲叻唔過隻豬 - 李八方

惠康今次捨DoDo要豬仔演出賀年版廣告。
互聯網

「每個香港人唔多唔少都受過豬嘅恩惠……」一聽到呢句話,就知電視播緊豬年最cutie嘅惠康豬級……呀唔係,係超級市場嘅廣告啦,咪住,點解唔係精打細算嘅鄭裕玲嘅?嫌佢唔夠豬圓玉潤?咁DoDo姐又的確冇豬咁叻,令全香港人都受過佢嘅恩惠噃,要豬年同大家拜年益街坊,惠康咪捨DoDo而取豬者也囉,並唔係換咗代言人。

真人着豬公仔裝

呢段豬片係廣告行公認verygood嘅導演操刀,隻豬嘜喺鏡頭前豬籠入水豬乸上樹「豬」下家打牌吟詩作對跑嚟跑去仲攞埋豬肉獎,身手靈活過馬騮化身嘅孫悟空。幾多人以為隻豬係電腦動畫或「掌門狗」嗰種泥膠公仔技術攝製,統統錯晒啦!呢隻豬係人肉扮架!由真人着豬公仔裝演出「豬人show」,畫面效果就經電腦加工。豬殼由行內有「Model王」美譽嘅Bobby炮製,八方仲知佢深入豬身粉墨登場㖭!
我哋睇個豬人show咁趣致,其實要豬仔佢做諸多動作擺下條尾都唔容易,正式roll機時豬身裏面要有人之外,郁啲豬手豬腳豬頭就要另外lung幾條繩「線控」,好似扯線木偶咁拉郁佢,幾經辛苦先可以遞手fing腳協調好一身好本領,後期就執走晒啲穿崩繩,格格菲林都得來不易呢。仲有呀,惠康豬唔同百佳豬,裏面冇針喎,如果唔係仲唔拮死裏面個人咩!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載