› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

網民想追阿彤 講金唔講心

年初三在澳門金沙賭場拉老虎機贏得74萬元的少女阿彤,幾經紛擾後,日前終於取得該筆獎金。高登討論區有網友覬覦16歲青春無敵兼搖身變成小富婆的阿彤,矢言要追求她,部份「邪邪哋」的男網友更擺明車馬「講金唔講心」,目標是阿彤的大額彩金。不過,也有網友潑冷水說:「人哋有成74萬,你冇咁多錢,點媾人哋?」

網友童顏說:「估吓佢拎到錢之後會買啲乜?佢實去買LV,之後就show嘢,見到人哋用Gucci就話:𠵱?乜仲用Gucci㗎?係都用LV啦,我覺得佢74萬好快用完!」飛甩毛接口道:「跟住再賭過。」
至於學校會否因阿彤賭博而記她大過的問題,有網友幽默地說:「巴結佢都嚟唔切啦,仲記過?」

網友奉勸做善事

「會賭的女生,一點也不好。」「賭錢嘅女仔,幾靚幾有錢都唔要。」「仲要16歲就走去賭。」網友對好賭的女孩顯然不存好感,白痴仔更直言:「真係去媾佢嘅,自己副身家分分鐘都唔見埋。」有網友說:「媾到都唔等於佢會養你。」三日月進一步指出:「除非你真係好靚仔啦!」
球證巴巴先生說:「老實講,佢玩到咁高調,遲早有人上門搵着數。贏七十零萬就咁開心,呢家人真係未見過大蛇屙尿。」有網友附和說:「遲早有人搵佢哋開年。」另一網友卻說:「喺呢個post見到成班友唔抵得人贏錢,高登男真係小家。」白汁燴鮑魚說:「巴打們(兄弟)醒吓啦!你想要74萬,努力啲搵錢啦!奉勸阿彤,橫財得來不容易,理應投資做善事。」

《蘋果》網聞版請你報料!大家無論在網上網外發現任何騎呢搞笑的事情,都歡迎提供照片或短片資料。
一經採用可獲酬100元
請附姓名、電話及電郵地址,電郵到:newsapple@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載