› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

醫療故事:精神科醫生診所抄《無間道》

精神科專科醫生李德誠稱,當精神科醫生挑戰極大。
區民傑攝

柔和的燈光、悠揚的音樂,再配上舒適的沙發椅,走進精神科專科醫生李德誠的私人診所,心情頓然平靜下來。李德誠笑說:「係呀,話要出嚟執業,個個朋友都叫我要抄《無間道》,陳慧琳見病人間診所呀,話relax(放鬆)啲喎,所以呢度啲裝修都有啲抄套戲㗎!」

為行醫理念私人執業

李德誠原是公立醫院高層醫生,又是大學醫學院教授,但月前卻毅然離開工作了10多年的崗位,開設私人診所,只為貫徹其行醫理念,「𠵱家喺公立醫院開藥畀病人要考慮埋藥費,呢樣嘢令我好frustrated(受挫),好怕同病人嘅關係裏面有錢嘅考慮,以前讀書嗰陣教授話醫者父母心,但係𠵱家要諗嘅嘢太多,壓力好大。」
他憶述10多年前跟隨教授診症時,一整個下午只接見4名病人,醫生與病人間有較深層交流和溝通;及至他離開公立醫院前,一個下午要為15至16名病人診症,部份醫生更要接見30名病人,令他感到醫生與病人的關係變質。但他強調隨着藥物不斷改良,病人情況往往可在數周間得以改善,是近10年來最大的進步。
回首當年選攻精神科的抉擇,李德誠仍堅定地說:「睇番轉頭,都冇揀錯。」他指精神科醫生的挑戰極大,因為「好多嘢都係內在嘅,冇辦法影到、摸到」,不像腫瘤等實在。但原來他也曾想過當外科醫生,只因擔心晚上會被急召返醫院做手術,才放棄選攻外科的念頭,更笑言「自己會眼瞓」。

仍希望繼續研究工作

雖然已離開大學醫學院,但李德誠仍希望繼續研究工作。他指目前不少精神科教學書籍均以外國人為藍本,描述的個案與中國人表達情緒模式不盡相同,「呢樣嘢係近幾年我比較有興趣研究嘅。」
記者 趙燕婷
逢周一刊登

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載