› 選擇地區
三藩市
紐約
洛杉磯
其他美國地區
香港 台灣 北美
 
2007年01月22日

皇后走咗佬 - 李八方

行過皇后像廣場,俾一男一女自由行同胞攔截問路:「皇后像廣場在哪?」答佢「遮lee周思(這裏就是)!」女同胞用問號眼抬望四周再度追問:「皇后像呢?」面對祖國同胞如此質問,八方當時趕時間,惟有話:「Bu豪依思(不好意思),沒有!」就算數。
其實,皇后像廣場冇皇后像、菠蘿包冇菠蘿、飛鵝山唔多覺有飛鵝……呢亭有名無實嘅香港現象,旅發局好應該喺內地宣傳嗰啲乜乜誠信團嘅時候,順便向偉大祖國同胞講解吓,大家清清楚楚數目分明,免得大豪客嚟到香港自覺貨不對辦受騙,打擊佢哋嘅弱小心靈同消費信心,唔刺激香港經濟就唔好啦,人民幣值錢過港紙㗎𠵱家!

講番個皇后像去咗邊,八方要用書面語,同胞有機會睇《蘋果》嘅話都會明白。皇后像廣場內的英女皇維多利亞銅像,早於1955年搬運到維多利亞公園正門,現時那裏只剩下滙豐銀行前總經理昃臣的銅像。想拜見英女皇,去維多利亞公園吧。不過想看香港另一特色景點──菲律賓傭人(港暱稱「賓賓」)歡樂天地,逢周日去皇后像廣場或維多利亞公園就對了,數以千萬計,而皇后,現在由賓賓朝拜。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載