› 選擇地區
三藩市
紐約
洛杉磯
其他美國地區
香港 台灣 北美
 
2006年11月26日

  臧明華學周梁張揚唔想撈 - 李八方

旅遊發展局近年經常被人鬧洗腳唔抹腳,佢哋嗰位年薪高達400萬嘅總幹事臧明華自然成為眾矢之的,噚日旅發局出新聞稿,高調宣布臧小姐喺明年3月合約期滿後唔再續約,同主席周梁共同進退一齊離開旅發局,雖然旅發局形容臧小姐今次係自己拒絕再玩,但據八方聽聞,旅發局根本從來都冇諗過同佢續約,佢呢招先下手為強,十足十同當日周太事先張揚唔會再做主席一樣,都算為自己挽回少少面子。
周太噚日亦為愛將大講好說話,讚揚佢對旅遊業發展貢獻之餘,仲透露臧小姐早喺半年前已向佢表明希望重返私營機構,周太唔排除對方可能因為唔適應外界對公營機構嘅壓力,所以唔想再做落去喎。

其實自己唔撈又好,人哋唔要你做又好,𠵱家旅發局最緊要就搞好接班問題,盡量減少兩名高層同時離任嘅震撼,只要訪港旅客人數勁升,市民話之你邊個做老細。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載