› 選擇地區
三藩市
紐約
洛杉磯
其他美國地區
香港 台灣 北美
 
2006年11月16日

吳明林教師奶搵工 - 李八方

香港經濟好轉,好多冇出嚟社會做嘢嘅婦女,可能都想復出,半退休資深傳媒人吳明林噚日應邀向幾十位香港婦女講解見工溝通技巧。佢話最緊要態度好,冇經驗唔緊要,見人嗰陣就要望住人同有啲笑容,要有信心及得體,而且事前要做好功課,了解想加入嗰間公司,咪俾人問到口啞啞。
佢又好鄭重咁講,見工時唔好講啲人云亦云嘅說話,好似話「好想做呢份工」、「呢份工令我學到好多嘢」同埋「呢份工好穩定」,事關個個人嚟都係因為想做呢份工;啲老闆唔鍾意畀錢人哋嚟學嘢,而話份工富挑戰性總好過話穩定,而且一有機會就要表現一吓自己。
吳明林仲話,做人最緊要積極同有hope,就算人哋真係唔請,不妨再去多一封求職信,畀啲誠意出嚟,可能因為咁就攞啲印象分,有意外收穫都未定。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載