› 選擇地區
三藩市
紐約
洛杉磯
其他美國地區
香港 台灣 北美
 
2006年11月16日

姬達夫人:丈夫以港人自居 - 李八方

姬達夫人話,姬達爵士係當時唯一適合擔任廉政專員嘅人。
廉署提供圖片

回歸後廉政專員換完一個又一個,但點都唔及首任廉政專員姬達爵士咁令香港市民懷念。姬達爵士今年4月喺祖家英國仙遊,佢嘅家人上個月飛嚟香港,同佢搞咗個追思會。廉政公署嘅同事特別同出席追思會嘅姬達夫人做咗個訪問。
當年扭轉貪污風氣有幾大代價?姬達夫人憶述,曾有次同隔籬屋女士共用同一條通道,呢位鄰居明明見到姬達夫婦,但都好似當佢哋唔存在咁。
姬達夫人話喺七十年代嘅香港,姬達爵士可以話係唯一適合擔任廉政專員嘅人,佢「不能被收買」嘅形象深入民心,其他人可能都好廉潔,但點都唔會及姬達爵士咁熟悉香港。姬達夫人又話,姬達爵士好熱愛香港,經常以香港人自居。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載