› 選擇地區
三藩市
紐約
洛杉磯
其他美國地區
香港 台灣 北美
 
2006年10月11日

  田少被中聯辦問話 - 李八方

財委會選主席爆出親政府陣營有四個無間道,中方都好關注,自由黨田北俊話事後西環(即係中聯辦)都有打電話畀佢,問清楚究竟發生咩事。田少咪講番佢哋投晒畀民建聯陳鑑林,冇倒戈投畀卿姐。反而特區政府至今都冇人為呢單嘢向佢打探消息,莫非有煲呔針就掂晒?
財委會之後,規劃地政panel主席選舉都好激烈。雖然泛聯盟口口聲聲話協調之後,應該會由劉秀成做主席,但田少記得呢個會係冇協調嘅,劉皇發會繼續去選,自由黨仲加多三個人入去撐發叔㖭。但泛聯盟都唔輸蝕,入多兩個,最終係五鬥五。之不過,田少對發叔好有信心,相信佢會掂喎。

至於政制panel,佢哋會支持泛聯盟呂明華繼續做主席、民建聯譚耀宗做副主席。田少仲笑笑口話,呢期咁多是非,到時自由黨可能考慮缺席唔投票,費時走咗一票又話佢哋唔支持泛聯盟喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載