› 選擇地區
三藩市
紐約
洛杉磯
其他美國地區
香港 台灣 北美
 
2006年10月11日

  陳易希新發明助盲人 - 李八方

正修讀科技大學預備班嘅港產發明家陳易希,經歷咗中學會考失敗俾人圍攻後,近排重拾對發明嘅興趣。佢話近排睇新聞知道早前有盲人跌咗落輕鐵路軌,佢好想發明一啲感應器幫佢哋。除咗呢樣嘢之外,佢仲幫渣打銀行發明咗一啲可以協助盲人嘅發明,呢個星期四會畀非洲肯雅奧運金牌失明跑手尹約基率先試用;至於係點樣嘅發明,亦要留番星期四記者會先講。
講到校園生活,陳易希已經入住科大宿舍,結識咗好多朋友。佢𠵱家每日只係瞓四小時,希望爭取多啲時間溫習同埋搞發明。至於早前科大校長朱經武曾經話會同佢一齊合作搞發明,易希就話校長想做高溫超導體嘅研究,而佢喺美國曾經見過,所以可以合作一吓。不過,為咗兼顧學業,易希話都要下年先可以同校長合作發明啦。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載