› 選擇地區
三藩市
紐約
洛杉磯
其他美國地區
香港 台灣 北美
 
2006年09月16日

葵涌兩月前大車禍致1死15傷
8歲童毀容 父恐癱瘓

鄭應祥已卧床逾兩個月,全靠妻子照顧飲食。

劫後餘生雖然值得高興,但漫長康復過程,卻折磨着一個綜援家庭。發生於7月17日的葵涌嚴重車禍中重傷的鄭應祥,至今仍然住院,更有下身癱瘓之虞,8歲兒智仔也因該宗意外毀容,一直不肯上學,鄭太於車禍後不停穿梭各大醫院,疲於奔命外,還要為交通費發愁。

相關新聞:專家之言:激光與藥物減除疤痕

這宗導致1死15傷的大車禍,鄭應祥與兩名子女不幸為失事巴士座上客,除幼女奇迹未受傷外,父子齊齊由上層拋出車外,傷勢一度危殆。
躺卧病床的鄭應祥說:「我做開燒臘嘅,年初俾酒樓裁員就一直搵唔番嘢做,捱咗幾個月,迫住攞綜援。意外嗰日,同個細女去補牙,諗住放暑假,又冇乜錢帶啲細路去玩,就順便帶埋智仔坐巴士,叫做出吓街啦,點知反而害咗佢哋!」在旁的鄭太續說:「阿祥一直好自責,醒番第一次見到個仔時就拉住智仔隻手係咁喊,話對佢唔住!但意外中兩仔爺執番條命,已經好難得!」

「兩隻腳掌冇感覺」

只是鄭氏父子下半生可能因此橫禍改變。鄭應祥說:「醒番時都唔知自己喺醫院,淨係全身唔郁得,原來撞斷咗三條肋骨同條腰歪咗,神經線受損,對腳最初就腫咗成倍,隔咗成個幾月先退瘀,𠵱家兩隻腳掌都冇感覺,醫生話如果我啲神經線生唔番,可能以後要坐輪椅!」
現只能進食流質食物,大小便仍失禁的鄭應祥說:「醫生話康復情況個個唔同,起碼要過多半年先知,但就算唔使坐輪椅,對腳都會唔夠力,啲仔女又咁細,都唔知點算!」
父親為日後生計憂愁,子女則要克服心理創傷。智仔左臉頰和左上臂,皆有一條逾四、五吋的赤紅長疤,宛如兩條蜈蚣在皮下。智仔說:「撞車嗰日同阿爸坐車頭,一齊睇風景,跟住就唔知發生乜嘢事,醒番就喺醫院,塊面同隻左手傷晒,縫咗好多針,好醜怪!因為怕俾同學笑,所以一直都唔想返學!最初喺醫院,半夜都會驚醒,好難瞓着覺。𠵱家同妹妹都唔敢再坐巴士,寧願搭地鐵,因為怕會撞車!」
意外發生後,一直奔波照料夫兒的鄭太說:「出事後日日撲去醫院睇佢兩仔爺,送啲湯水去,跟住又要趕返屋企煮飯畀個女食;𠵱家智仔出咗院,仲要覆診,訂做壓力面罩,防止塊面個傷口生肉芽;又要帶兩個仔女見心理專家,等佢哋快啲克服恐懼,早日返學!」

相關新聞:心理影響 父母應多加支持

一家為生活費惆悵

鄭太說:「我攞單程證冇耐,未有資格申請綜援。意外後,老公長期住院,本來已經少嘅綜援,遲啲仲要被扣起部份,點夠生活吖!何況日日去醫院照顧老公,淨係搭車都冇錢!」
為讓鄭先生安心養傷,蘋果日報慈善基金即時撥出1萬元緊急援助金,助鄭太應付驟增的生活開支。
捐款編號:C2156

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載