› 選擇地區
三藩市
紐約
洛杉磯
其他美國地區
香港 台灣 北美
 
2006年07月10日

醫療故事:曾割腦瘤婦13年後奇蹟懷孕

女人生來多煩惱,每個月的經期是第一煩;小心避孕,不要意外「造人」是第二煩;但煩惱不是必然,到失去才知寶貴。今年36歲的周太是名副其實的勇敢媽媽,23歲時因腦生瘤,被斷定生育機會微乎其微,手術後不再來經,為了做個「正常女人」,她每日狂吞20粒維他命,又向各方求醫,最終在中醫治療下成功懷孕,直言「以自己做白老鼠,創下奇迹」,即使腫瘤復發,也不會後悔。
「當時覺得好絕望,我諗過,如果有得選擇,可能都未必會生,但係當你冇咗呢種權利,你就會想有。」今天頂着九個月大肚子的周太,13年前因腦下垂體附近生瘤,需要做手術切除,醫生向她說,生育的機會只有0.1%,「唔做可能命都冇。」
手術後,她一直沒有經期,醫生向她處方避孕丸調經,並服用類固醇補充身體所需,「但係呢啲經期係假嘅,我食咗呢啲避孕丸,根本唔會有BB。」

營養師教食蜂膠花粉

五年後,她接觸營養師,開始食用蜂膠、花粉、蘆薈、維他命C、西蘭花精華等多種藥丸,經期竟然奇迹地在數周後重臨。
周太是於02年結婚的,04年開始「不設防」,盼可帶來小生命,結果不成功,醫院檢查發現周太左邊輸卵管閉塞,為她進行通輸卵管手術,但仍無所出,其間又接受人工受孕,但沒有幫助,於是去年開始向中醫求助,「中醫話我子宮機能弱,腎機能差,但係丈夫嘅身體就冇問題。」
她跟從中醫提供的排卵表,又定時量體溫,一直服用中藥,終在去年底懷孕,「冇諗過可以有,初初真係好興奮,有失而復得嘅感覺,但幾個禮拜之後就轉為擔心。」
懷孕後,她不止一次作小產,嘔吐及其他不適當然不少,最可怕的,是腫瘤會隨時復發,「醫生同我講過,有BB係唯一令個瘤翻發嘅原因,如果翻發,可能要中止懷孕,最差嘅情況係大人都要做手術,保唔住條命,我知我做咁多嘢可能徒勞無功,攞條命去博,但係我唔會後悔。」
記者 張嘉雯
逢周一刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載