› 選擇地區
三藩市
紐約
洛杉磯
其他美國地區
香港 台灣 北美
 
2006年04月28日

  粵劇界怨政府好勞嘈 - 李八方

粵劇界陳劍聲(中)同阮兆輝(左)噚日講起政府就好勞氣。
王連連攝

政府話搞西九龍計劃講咗咁耐,一陣又話再諮詢各界意見,但係次次都冇預粵劇界,莫非唔當佢哋係文娛藝術?為此呢個界別好多人都投訴過,好似汪明荃、阮兆輝等人,都出過好多次聲話政府冇撥一個適合嘅永久場地畀粵劇界。噚日八和會館嘅主席陳劍聲,同個會其他人,大家討論吓宣洩吓心情。佢哋集合咗80個簽名,仲諗住之後遞信請願。
陳劍聲話:「西九龍呢個計劃,每個界別都有份,但係就冇我哋份,其實佢哋用乜準則搵呢啲界別?我覺得好心痛,好勞氣又好谷氣,特首用乜準則先?」至於阮兆輝就好無奈,佢話:「以下講嘅嘢係我自己意見,同個劇團立場無關。我做咗粵劇諮詢委員會兩年,狐狸露尾,政府一路話關注,但係到𠵱家都搵得3個唔係呢一行嘅人傾?政府不屑同我哋傾,我都唔想同佢哋講。我唔再同政府講嘢,我用所有時間做自己應做嘅嘢。唔會再要求政府喇!我唔係乞兒。我𠵱家口頭講之後唔會再做呢個會。」嘩,真係好大怨氣,毫不和諧喎。

傳真︰2623-9278
電郵︰pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載