› 選擇地區
三藩市
紐約
洛杉磯
其他美國地區
香港 台灣 北美
 
2006年04月13日

與曾蔭權建夥伴關係 首要榮辱與共
馬力籲特首唔好跣民建聯

馬力表明可與曾蔭權建立夥伴關係,但希望「係有榮時畀番credit(功勞)我哋,有辱就要一齊孭,唔好卸晒畀我哋。」許偉賢攝

【本報訊】政改一役慘嘗敗仗後,特首曾蔭權刻意親近過往並不信任的民建聯,試圖穩住任內堅實支持。民建聯主席馬力承認,曾蔭權近期破天荒與他們建立工作以外的關係,並處處展示誠意,雙方關係正在好轉,但他不忘呼籲這位新朋友「唔好跣我哋」,又指真正的榮辱與共,「係有榮時畀番credit(功勞)我哋,有辱就要一齊孭,唔好卸晒畀我哋。」 記者:許偉賢

相關新聞:對左派從唔想聽變為有偈傾

特首曾蔭權近期刻意向民建聯示好,先是上月底親率十二名特區高官出席民建聯前主席曾鈺成辦事處開幕禮,本月初又親臨民建聯中委會,為添馬艦興建政府總部解畫,上周則派出政務司司長許仕仁及政制事務局局長林瑞麟出席民建聯路向營,以行動證明對民建聯的支持。
民建聯主席馬力接受訪問時坦言,曾蔭權近三、四個月刻意與民建聯加強溝通,「好似會請我哋去官邸食飯,講吓養生之道,建立工作以外嘅關係,好似有心同你做朋友,唔係次次搵親我哋都講投票立場」,相信曾蔭權在政改一役上了寶貴一課,加上中央希望他與愛國愛港陣營加強合作,因此與民建聯建立親密夥伴關係。

不介意曾蔭權「多條心」

馬力坦承過往民建聯與曾蔭權不相熟,對佢處處提防兼有戒心,更因受報章影響,「覺得佢係港英餘孽,好多嘢明益民主派」;但既然曾已分清敵我,亦有合作誠意,故此可望發展親密關係。
曾蔭權近日公開表明政黨親疏有別,與民建聯關係必定比民主黨密切,又表明要與該黨建立「核心夥伴關係」,但馬力對這位新朋友仍有保留,聲言不介意曾蔭權「多條心」,同時與泛民主派行埋,但指必須保持公正:「我哋唔會要求佢唔好同人哋發展,我哋只會要求佢公道一啲,唔好跣我哋……唔好好似以前咁,畀西瓜皮我哋踩。」
馬力認為目前與政府的關係,只屬低層次的執政聯盟,因為該黨在政府內並無實權。馬力希望在這個基礎上,雙方能做到「榮辱與共」:「榮係當有啲嘢(政策)係民建聯提出時,你哋畀番credit(功勞)我哋,等我哋同選民交代,唔好偷咗人橋,當正自己偉大發明;辱就係有辱時就一齊孭,唔好卸晒畀我哋。」
曾蔭權民望持續高企,加上政府處事並非「錯晒」,馬力承認,砌曾蔭權對民建聯沒有好處,「砌佢不如攬住佢啦,同佢攬住一齊上,有乜嘢唔好?同佢對着幹就冇好處嘞,因為中央唔鍾意,我哋嘅支持者又唔鍾意。」

實際和策略性合作關係

科技大學社會科學部助理教授馬嶽分析,曾蔭權明白須有穩定政黨支持,才能穩住政局,因此找來最易入手的民建聯結盟,但由於民建聯非像以往般盲目支持政府,「以後會睇有冇着數先支持,係好實際同策略性嘅合作關係」,相信曾蔭權往後仍要就不少民生問題周旋於政黨之間。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載