› 選擇地區
三藩市
紐約
洛杉磯
其他美國地區
香港 台灣 北美
 
2005年12月19日

陳日君轟清場過程香港之恥

陳日君昨晚到灣仔示威區探望示威者。
梁祖彝攝

【本報訊】天主教香港教區主教陳日君昨晚前往灣仔鴻興道示威區探望示威的南韓人士,他炮轟警方不分是非,對使用暴力的示威者行動不夠果斷,並長時間圍困和平靜坐的示威者並不人道、不負責任,形容事情是「香港之恥」。
陳日君昨日深夜接近十一時前往連日來爆發激烈衝突的灣仔鴻興道,支持靜坐的示威人士,之後到觀塘裁判法院探望被捕者。從暴力衝突到警方漫長的清場過程,他形容整件事是「香港之恥」,認為香港政府並無能力按照國際標準做事,應該釋放所有示威者。他強調,天主教反對暴力,他昨晚前來探望示威者並非同意暴力衝突。
陳日君指出,當警方看見有示威者採取暴力行動時,就應該果斷地拘捕滋事的人,保護受衝擊的警察,不應該等到所有人靜下來時,才把逾千人通宵扣留,「政府唔識得分清楚邊啲係暴力,邊啲完全係和平示威嘅,將呢九百個人當為同一班人係好唔公平。」

相關新聞:結束示威前開生日派對

指香港不適宜辦世貿

他續說:「𠵱家呢班絕對多數係和平嘅人,已經終止行動,佢(警方)就趁呢個機會去拘捕呢九百個人,都完全係冇乜充份嘅準備。咁長嘅時間,使到咁多人完全冇受到照顧,食嘢、飲水、去廁所。監獄都唔夠地方,要送佢哋去觀塘法院,更加有啲人要遊車河,係完全唔負責任嘅行為。咁凍嘅天,嗰度嘅人完全冇獲得照顧,我覺得呢個係香港嘅羞恥。」
陳日君並質疑,為何警方不再派多些警員增援,「政府都話,佢有好多警察都冇用,點解唔用呢?犯事嗰啲佢又唔捉,後來先捉。」
他認為香港根本不適宜主辦世貿會議,「開會之前我都講過,香港係一個咁細嘅城市,根本都唔夠人哋大城市嘅準備,唔可以應付。」陳主教說,「佢哋冇研究過,喺其他地方舉辦世貿時抗議嘅行動。」
對於韓農的訴求,陳日君表示認同:「我哋做過啲公開祈禱會,我哋好清楚話支持農民要求,我哋好唔贊成世貿大蝦細,但係我哋絕對唔贊成用暴力嚟作出任何要求。」
警方深夜發聲明說有關指控不公平及無事實支持,強調有關騷亂有預謀,不值得寬恕。警方數小時內平定騷亂顯示警方布防有效。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載