› 選擇地區
三藩市
紐約
洛杉磯
其他美國地區
香港 台灣 北美
 
2005年12月19日

缺熱水爐 寒天煲水沖涼

天寒地凍,陳女士現時仍要每晚煲水沖涼。

「我哋兩母女每晚沖涼都好大陣仗,因為屋企冇熱水爐,所以邊個沖涼;另一個就要幫手煲水同添水,好多工夫要做。」陳女士歎道。
四十七歲的陳女士,離婚多年,現與一名十八歲女兒同住。單親的路途本來不易走;加上兩母女皆為長期病患者,生活更加艱苦。陳女士表示︰「我半年前做過腦手術,割咗一個七厘米嘅瘤,好彩化驗證實係良性,先冇咁擔心;不過,嗰排要個女照顧我,佢就辛苦啲。」
陳女士女兒阿麗,她本身亦百病纏身。
她因為胰臟發大及患血管瘤,自幼與醫院為伍,並動過無數次手術。

長期病患 生活艱苦

經常出入醫院的她,目前就讀中二,由於身體欠佳,加上讀書壓力大,阿麗年前不幸患上抑鬱症,正接受藥物治療。

讀書受壓 服藥穩定

「醫生都有叫我唔好畀咁大壓力自己,呢排轉咗新藥,情緒穩定啲,但一日要食成十幾粒藥。」阿麗扁着嘴說。
陳女士早年曾於餐廳及護老院任職,後來身體轉差,被迫辭工養病,兩母女現靠綜援金過活。

街頭拾荒 慳儉度日

「我哋平日要好慳先過到日子,屋企有乜需要,我兩個會先去垃圾房搵,好似枱櫈、梳化都係執番嚟,但始終搵唔到一部熱水爐。」阿麗指︰「天氣咁凍,啲水好快就唔夠熱,媽媽要喺廚房不停幫我煲水,我覺得好唔方便,所以想有一部熱水爐。」蘋果日報慈善基金有見母女苦況,近日天氣嚴寒,即撥款助她們買氣體熱水爐及並付安裝費。
捐款編號:C1888

服務熱線
電話:29908288
傳真:23702192
電郵:sservice@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載