› 選擇地區
三藩市
紐約
洛杉磯
其他美國地區
香港 台灣 北美
 
2005年03月08日

  議員揶揄馬時亨淡定 - 李八方

馬時亨(右)同沈聯濤噚晚出席證券商協會新春酒會,馬仔似乎對近日官場傳聞處變不驚。 程志遠攝

老董就快走頭,所謂樹倒猢猻散,噚日出席立法會財經事務委員會,俾阿董及松松呃咗上沉船嘅問責局長馬時亨,少不免俾議員攞嚟玩。湯家驊話,政府近日提出成立監管核數師嘅財務滙報局,佢認為唔符合政府話要縮減架構嘅原則,但係既然就嚟換特首,馬局長有冇得留低都成疑問,唔知呢啲新政策會唔會變。劉慧卿又話,呢個題目正在諮詢公眾,希望諮詢完之後政府再來立法會滙報,但唔知到時馬局長重喺唔喺度。
雖然俾議員揶揄,但肥仔馬照例笑笑口,冇發老脾。有知情人士同八方講,肥仔馬同曾司長感情好好,冇咁容易被叮走。唔怪得肥仔馬可以處變不驚,噚晚繼續出動,出席證券商協會新春酒會,依然滿場飛。
噚晚證券商協會新春酒會,八方見到新獲續約三年嘅證監會執行董事林張灼華,自然要打吓招呼。林太揸住個LV手袋,不知幾搶鏡。林太獲政府重用,但佢上司沈聯濤將會喺九月離任,都係嗰句,「有人辭官歸故里,有人漏夜趕科場」。



傳真︰2623-9278
電郵︰pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載