› 選擇地區
三藩市
紐約
洛杉磯
其他美國地區
香港 台灣 北美
 
2005年01月06日

「係咪缺德?我哋係最好市民」

和電昨天宣布裁員,在個多小時的記者會中,霍建寧將裁員的責任,歸咎政府收回其CDMA及擬發第五個3G牌的決定。
記(記者):「裁員其實係咪因為3G投資過度?」
霍(霍建寧):「CDMA呢件事對我哋係一個警覺鐘……六十四份consultation(諮詢),五十八個好支持我哋,六張係我哋啲對頭人,嗰啲梗係想我哋唔好啦,但OFTA(電管局)重話要攞番個牌……我哋係收身嚟為CDMA呢件事做最壞打算……暫時冇計劃再裁員,但假如市場環境繼續惡化,生意係『生』,我哋要react(作出反應),weareallmanagers(我們都是經理),我哋唔能夠睇生意淨係睇今日,唔能夠今日頭痛食粒panadol(必理痛),聽日腳痛去捽藥酒。」

相關新聞:流動通訊業多賺錢

「我哋好有人情味」
記:「農曆新年將至,喺呢個時候裁員會否擔心被指缺德?」
霍:「我哋都係commercialorganization(商業機構),唔賺錢就大吉利是,我哋亦要負責,你話我哋係咪缺德?我就話我哋係最好嘅citizen(市民)……一個企業唔能夠賺錢,亦冇資格生存。」
他又舉例證明和黃是「良心僱主」,霍說:「睇番九八年經濟咁差、沙士我哋都冇諗過呢啲嘢(裁員)……當社會話捐錢,我哋第一個行出嚟,我哋和記同李生(即李嘉誠)捐咗二千四百萬……做人做好本份,我哋好有人情味……我哋做樣樣嘢,都係有理,唔會斷章取義。」
對於昨日「幸免於難」的員工,霍則稱:「走咗嘅員工當然唔高興,但留低嘅同事就更加高興……因為create(創造)咗好機會畀留低嘅同事……今次對和電嚟講係喜訊,3G好有可能今年達到EBITDAbreakeven(除稅折舊攤銷前收支平衡)……呢啲嘢(裁員)我哋都希望一次過做完,之後再去搏命……𠵱家可以去做世界。」
本報記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載