› 選擇地區
三藩市
紐約
洛杉磯
其他美國地區
香港 台灣 北美
 
2004年07月08日

「我個家已經散咗啦」
沙士苦主心仍是痛

楊永強昨日宣布辭職時,雙眼通紅,表情尷尬。
司徒世華攝

【本報訊】過去一年被沙士奪去至親的家屬,以及終身需承受無窮後遺症痛苦的沙士康復者普遍有一個心願,就是要求統領政府對抗沙士疫症的衞生福利及食物局局長楊永強下台,昨日這個心願終於成真,但力促楊永強下台的淘大花園E座死難者家屬郭善雄,以及不少死者家屬心情並無因此而釋懷,他們認為楊永強下台根本彌補不到喪失至愛的痛苦,部份家屬更誓言繼續向當局追討賠償。 記者:謝明明、黎國剛、陸羽平

相關新聞:沈祖堯:不應該由一人承擔

去年曾獲總理溫家寶親臨淘大花園家中探訪的郭善雄,前日直斥楊永強「厚顏無恥」後,昨晚的心情並無隨着楊永強下台而釋懷,他在接受傳媒訪問時說:「我太太已經死咗,都救唔番啦!不過有時我條氣唔順,我至講幾句,佢落唔落台我都唔理,佢點樣做都彌補唔到嘅啦!我個家已經散咗!係散咗嘅啦!」他並明言,不想每年都重提傷心事,不希望兩名子女再次面對失去母親的傷痛,但他認為今次楊永強下台始終還沙士死傷者一個公道,並覺得董建華今次決定合理。
另一位淘大花園E座沙士康復者江靜華也不以為然地說:「佢(楊永強)辭職只係無咗份工,對佢實際生活無咩影響,但有成二百九十九條人命無咗,而且好多康復者出現嚴重後遺症,甚至無埋份工,經濟都有問題,佢辭職根本抵償唔到!」

「佢走係眾望所歸」
被沙士奪去二十八歲愛兒生命的易綺芳還是氣憤難平說:「楊永強走係眾望所歸,冇得留低,𠵱家叫做還咗我哋少少公道。但我死咗個仔,呢一世都唔會開心。」部份沙士康復者也憤然批評,楊辭職並無還他們一個公道,並認為楊永強應該一年前就落台。
不過,部份死者家屬對楊下台則有另一番心情,母親死於沙士的薛培餘聞悉這「天大喜訊」難掩興奮之情,「我好接受,亦都好高興,特首能夠聽到民意,接受佢(楊永強)嘅請辭,我認為咁多年嚟,佢(董特首)做得最好係呢一次。」

薛培餘不認同楊永強在沙士期間,作出甚麼努力,只看到他做錯事。
他續稱:「在問責制下,如果你(特首)唔接受佢(楊永強)請辭,即係話呢個制度係廢嘅,除咗楊局長外,重有醫管局高層,同埋每間醫院嘅醫務總監都有責任,喺佢哋管理之下,每間醫院都死咗咁多人,有的重隱瞞咗啲嘢,冇報出嚟,佢哋都係有責任,應該由政府同有關部門譴責佢哋,或者降職,對我哋係一個交代,對社會係一個交代。」他表示已踏出索償第一步,會繼續追討下去。

以「喜訊」祭亡夫
丈夫因感染沙士病逝的曾仲嬋說:「楊永強落台都叫做宣洩咗我哋一班苦主部份嘅心頭之恨,但始終董建華都係維護楊永強,都係官官相衞,好希望其他失職嘅官員都要負責。」她並表示,日內會去拜祭亡夫,將「喜訊」告知亡夫,以慰亡夫在天之靈。任職巴士車長的沙士康復者李新維亦形容楊下台令他稍為「順番條氣」,他昨晚相約友人用膳,更謂要加餸慶祝。
淘大花園業委會主席葉興國直指今次楊永強下台是意料中事,可還沙士死傷者一個公道,並希望事件可告一段落,但他仍會繼續追討索償。

相關新聞:吳錦祥:對全香港都係好事

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載