蘋果日報 | APPLE DAILY
› 選擇地區
三藩市
紐約
洛杉磯
其他美國地區
2004年06月20日

愛兒離世95天 會珍惜眼前人
郭追望子來生勿做兵

郭追(後左)說會與太太(前左)及兩名女兒好好度過父親節,已去世的兒子陳業升(後右)則會留在各人心裏。 圖片由郭追提供

【本報訊】從交通警員兒子陳業升被醉酒駕駛司機奪走生命那天起,郭追一天一天的數,今天,剛好是九十五天。兒子離世的悲劇不能改變,在父親節的日子裏,郭追說會珍惜身邊兩名女兒及太太,好好生活下去。

兒子威風形象永留心
影視武術指導郭追(原姓陳,又名郭振鋒),有一子兩女,二十八歲任職交通警員兒子陳業升,三個多月前執勤時,被醉駕司機胡永初撞至飛墮八米天橋下殉職,法庭早前重判司機入獄三十二個月。
郭追在父親節前接受本報訪問,講述兒子成長點滴。提到今天父親節如何度過,他說兩名女兒都在身邊:「好似以前咁,輕輕講聲父親節快樂就可以,要隆重我都會接受。」
以往「升仔」也會對郭追說「父親節快樂」;現在騎警威風形象永留父親心裏,身邊兩名女兒,成了他的寄託,一向擔家的父親,總以家人安好為重:「融洽嘅一家五口,少了一個,未來嘅日子,希望大家快快樂樂、平安。」顧家、愛兒女,郭追在第一個沒有兒子的父親節裏,對離世的升仔心裏有話:「未完成嘅事,我會幫你完成,唔使擔心屋企,我哋會好好哋生活落去。……下世投胎,唔好做兵,做官啦。」
郭追說,升仔五歲時,已很喜歡扮警察:「佢鍾意睇《新紥師兄》;攞住兩支槍,膊頭披住披肩,搵毛巾包住個頭當帽,好可愛。」
原來升仔小時候很怕父親:「每次我望住佢,佢就會退後兩步,眼垂落嚟,耳仔紅晒,我問佢做乜,佢就伸脷……;其實,我個心係話,乖仔,我想望吓你。」
郭追說自己讀書不多,自認不懂教孩子,孩子做錯事,只會「一巴冚過去,兩個女都一樣。」

望時光倒流再錫兒子
兒子長大做警察,郭追也不時望着兒子,但情況已經不一樣:「佢會問,做乜望住我,我就話,望下啫,你靚仔嘛!佢會話,唓,以為你有乜事。」
其實,父親心裏,總有時光倒流的夢想:「我同我老婆十年前已經有咁嘅諗法,希望可以去番八十年代,等我可以重新培養佢哋一次,……我希望用𠵱家嘅方法,同佢解釋、溝通,重會錫下佢,攬下佢。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載