› 選擇地區
三藩市
紐約
洛杉磯
其他美國地區
香港 台灣 北美
 
2003年01月19日

  哥頓羊年願望惡妻馴如羊 - 李八方

合和實業主席胡應湘一力倡議興建港珠澳大橋,𠵱家終於見到政府認同佢嘅提議,自然老懷安慰。唔知係咪因為呢個原因,佢噚日接受電台訪問時心情特別靚,除咗合和可能分拆業務上市外,其他問題都有問必答。問佢羊年有乜新年願望,哥頓話希望港府盡快解決財赤,同埋將失業率降低;但問到私人願望,佢就笑笑口話:「梗係太太唔好對我咁惡啦。」

向來敬重李嘉誠
八方記得幾年前哥頓上電視節目接受訪問,同主持黃霑講起佢太座。當時哥頓話,佢屋企有兩條家規:第一係「太太永遠是對的」;第二係「假如太太唔啱,仍然係參考第一條家規,然後遵照其執行」。胡太御夫術之高超,八方望塵莫及。
哥頓噚日又重提興建港珠澳大橋之初,曾引起和黃董事總經理霍建寧批評,當時雙方各自喺傳媒面前痛陳建橋嘅利害,被形容為公開罵戰。哥頓話:「只係佢鬧我,我冇鬧過佢呀,我只係鬧政府啲官員,我一直都好敬重李嘉誠。」而對於財團聯署要求中電同港燈減價,特別係李嘉誠控制嘅港燈,哥頓就話除咗日本之外,香港電費都貴過其他地方,喺通縮環境之下,要求檢討電費係可以理解嘅。


傳真︰2623-9278
電郵︰pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載