› 選擇地區
三藩市
紐約
洛杉磯
其他美國地區
香港 台灣 北美
 
2003年01月19日

長者渴盼蘋果愛心團年飯

張婆婆生活清貧,期望歲晚能吃一頓團年飯。

羊年將至,市面上的新春氣氛愈趨濃厚,家家戶戶正忙於迎接新歲。惟對於三餐不得溫飽的窮困長者來說,過年如同平日,同樣要勒緊肚皮生活。為將歡樂和關懷帶給一眾耆老,蘋果基金特舉辦「蘋果愛心團年飯」活動,善長捐款支持,可讓更多長者受惠。

勞碌大半生的張婆婆,老伴去年因癌病離世,與一名現年二十五歲的智障兒子相依為命。「自己唔好命,有仔等於冇仔,唔好話叫佢照顧我,佢唔使我照顧已經好好嘞。」

唔記得雞鴨乜嘢味
「如果有人免費請我食一餐,梗係高興啦,雞雞鴨鴨係乜嘢味道,我幾乎都唔記得囉。」六十四歲的張婆婆說。
身體欠佳的張婆婆,血壓偏低,經常暈眩,她早年已辭去酒樓雜工一職,目前與兒子同靠綜援金生活,奈何因經濟緊絀,平日須克盡節儉,每餐也以鹹魚青菜佐膳,毫無營養可言,過年過節亦如是。
張婆婆歎道:「我哋呢啲攞綜援嘅,邊有資格講做節吖,買隻雞、煲一煲湯,至少使一百幾十蚊,月頭豪爽,月尾就冇得食㗎啦!」
張婆婆的一番話,說出不少貧困長者的心聲,老人權益中心社工李姑娘亦表示:「對於一啲攞緊綜援嘅長者,特別係一啲獨居嘅邊緣老人嚟講,佢哋嘅生活真係好困苦,一年到晚都未必有能力食一餐好嘅,亦都缺乏家人嘅關心,所以每年我哋都會搞一次團年飯活動,希望可以帶啲歡樂畀長者之餘,亦可以凝聚番佢哋彼此之間嘅力量同關懷。」
蘋果基金多年來一直有為社會服務團體籌募善款舉辦「蘋果愛心團年飯」,好讓一班老弱無依、甚至經年足不出戶的長者,高高興興飽嘗一頓美味的團年飯。

需要善長熱心支持
是次送馬迎羊的團年飯反應十分熱烈,活動展開僅一個多星期,蘋果基金至今已收到來自多間志願機構,包括老人權益中心合共近一千二百名長者盼望開開心心吃一頓團年飯。
長者的期待,需要善長的支持,請讀者慷慨解囊。
捐款編號:C0425

暖流熱線
電話:29908688
傳真:23702192
電郵:adfund@appledaily.com
網址: http://www.charity.atnext.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載