› 選擇地區
三藩市
紐約
洛杉磯
其他美國地區
香港 台灣 北美
 
2002年12月31日

  鄭大班為的士司機眼紅紅 - 李八方

鄭家富呢兩個星期同鄭大班做電台節目《風波裡的茶杯》,可算得係悲喜交集。一開始兩個你窒我、我窒你,嘻嘻哈哈,聽眾反應亦出奇地好。阿富同八方講話收到唔少市民來電或傳真,叫大班錫住阿富,畀多啲空間佢講嘢,唔好成日玩人。
大班出名鍾意窒人,阿富最氣頂就係俾佢喺節目中改咗個花名「石九公」。此話何解呢?
石九公即係話人充石斑,鄭大班原來笑阿富,雖然你都姓鄭,不過唔好亂咁充大班。
阿富自信同大班鬥大聲、鬥長氣,絕對唔輸蝕,不過新年流流,唔想破壞氣氛,先讓吓大班咁話。
但係前日出咗單的士司機欠大耳窿燒炭自殺嘅事件,阿富同大班噚日開咪做節目時都好難過,完全冇心情講笑,因為個司機事前曾向大班求助,雖然大班已經盡力開解,應承幫佢同銀行傾,都未能挽回一條性命。成日鬧人嘅鄭大班個樣好似好惡,不過阿富話佢開咗咪成個鐘都眼濕濕。


傳真︰2623-9278
電郵︰pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載