› 選擇地區
三藩市
紐約
洛杉磯
其他美國地區
香港 台灣 北美
 
2002年11月29日

  肥佬黎服務第壹要講心 - 李八方

黎智英(右四)同楊懷康(右六)同獲獎機構舉杯慶賀,其中包括李美鳳(左三)任代言人嘅瑪花纖體。 李家皓攝

由九○年開始舉辦以來,「《壹週刊》服務第壹大獎」唔覺唔覺已第十三屆,今次有十九個機構獲得「服務第壹大獎」,金獎由網上行奪得。
噚日個頒獎典禮黎智英都有到場,大班記者當然唔放過佢,圍住肥佬黎係咁問台灣《壹週刊》及台灣《蘋果日報》嘅消息,但睇嚟佢哋都幾失望,因為肥佬冇乜料爆。
上到台致辭,肥佬黎點都要講番幾句,佢話以前做時裝零售連鎖店,𠵱家做傳媒,最大分別係冇咗舖面,但一樣要重視服務質素,要做到同讀者感同身受,要關心甚至幫手解決讀者嘅問題。

令楊懷康感動的店員
另一主禮嘉賓《壹週刊》社長楊懷康,就講咗個古仔;話說佢喺北美洲行書店,店內有位五十幾歲印度籍店員,楊社諗住考吓佢,於是問有冇FrancisCrick(福蘭西士.克里克)嘅書。
克里克係六二年發現DNA雙螺旋結構而獲得諾貝爾獎嘅科學家,都幾冷門;點知呢位店員,聽完粒聲唔出,即刻攞出本克里克嘅自傳《WhatMadPursuit(瘋狂的追逐)》畀楊社。一個店員都咁投入佢嘅工作,知道乜嘢係DNA、邊個係FrancisCrick,令楊社非常感動,話咁先係良好嘅服務態度。


傳真︰2623-9278
電郵︰pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載