蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年11月27日
馬上成為壹會員

嶺大論壇狂轟湯顯明

李柱銘(左)昨日批評湯顯明「兜圈子」,迴避回答二十三條立法諮詢中央政府的問題。

【本報訊】「你知唔知做官其實為民請命?做官係咪要講良心呢?如今大部份市民、專業人士、國際團體都係反對立法嘅,而你代表政府堅持立法,你怕唔怕俾世人指你為千古罪人呢?」嶺南大學商業系一年級生劉兆倫簡單直接地向保安局署理常任秘書長湯顯明提問,令湯顯明一臉尷尬。

「不如做生意」
嶺南大學學生會昨日舉辦「驚心動魄廿三條」論壇,近一百名學生參加。由於保安局局長葉劉淑儀拒絕再出席大學學生會舉辦的論壇,湯顯明被迫代表政府上陣,但他回答問題時不着邊際,成為眾矢之的,在論壇結束前,更一度招來眾學生噓聲。
學生劉兆倫當場建議湯顯明辭官說:「如果你一啲都唔聽市民嘅聲音,一意孤行嘅,我覺得你不如做吓生意,去出面打工算啦,唔好做官啦!」湯顯明尷尬地回應稱:「我點解做官呢?我係參加政府嘅工作,我做嘅係公務員,我聽嘅係市民嘅意見。我講唔講良心呢?我講良心,我覺得今天為二十三條立法而努力,係為香港福祉一件好事。」出席論壇的民主黨主席李柱銘呼籲嶺大學生參加下月十五日的大遊行,獲全場學生鼓掌。另外,公民及政治權利基金由昨日起至下月初,在中環及銅鑼灣義賣籌款,以舉辦各種對抗二十三條立法的活動。

相關新聞:英議員國會動議辯論「23條引入新定罪概念」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載