› 選擇地區
三藩市
紐約
洛杉磯
其他美國地區
香港 台灣 北美
 
2002年10月19日

小姊妹驚慄二小時
「個賊係咁扑阿媽個頭」

港人馬永倫和二奶所生的九歲幼女在事發現場清理物品。

「我見到個賊揸住支棍,對住阿媽個頭係咁扑,我驚到喊出來!」目睹竊賊逞兇及放火燒屋的九歲女童馬翠玉,回想前晚被兇徒潛入和挾持的驚慄兩小時,她不斷飲泣說:「個賊見我喺度喊,立即喝令我出去,但我當時驚到唔識郁,佢就用棍打我,我重被打中膊頭……阿媽叫我快啲走,我即刻跑過隔籬房搵家姐。」
十三歲的馬春玲揭開同母異父細妹的衫袖,果然見到她的肩膊上有幾塊青黑的腫塊,姊姊馬春玲說:「我聽到阿媽響房猛叫救命,又叫個賊放過一家人。」她被打鬥聲吵醒後,一直躲在被子裏,全身發抖,不敢出聲,直到妹妹衝入房中,兩姊妹即摟抱在一起。

見到公安手指指
當聽到木棍打在人體的聲響,且夾雜着媽媽的慘叫聲,姊妹花心痛而淚如雨下;幸好很快已聽到樓下傳出人聲,並有人在喊叫「有人打劫」,我從窗口望落去,見到成村叔伯和同幾個公安手指指我哋間屋。
「跟住我又聽到阿媽跑出露台叫救命,好快佢就俾人拖返入屋,跟住就聽到樓下有人叫火警。」現已讀初中一年級的阿玲昨天仍如常返學上課,對於母親被殺,她說:「我平時鍾意反鎖房門瞓覺,當晚我忘記反鎖房門,所以細妹先好快跑入來,如果唔係就更加慘。」

相關新聞:薪金微薄「村治保」不搏命

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載