› 選擇地區
三藩市
紐約
洛杉磯
其他美國地區
香港 台灣 北美
 
2002年08月19日

  田少惡狗追住人咬 - 李八方

自由黨主席田北俊愛犬咬人?有冇搞錯?冇,八方噚日收到料,話有人報稱在田少白加道豪宅俾狗咬親,重去埋鄧肇堅醫院驗傷,單嘢話交咗畀警方同漁謢署跟進,唔知田少會唔會面臨起訴,隻愛犬唔知會否被人捉去驗,於是八方周圍搵田少問個究竟,卒之喺深夜證實確有其事,咬人者係一隻狼狗,叫做BoBo。
田少一家確實係愛狗之人,佢哋家住白加道豪宅,佔地成三萬平方呎,當然要養幾隻大狗睇住個大門口同埋間大宅。話說噚日有個工人去佢屋企,檢查嗰個電鐘定閉路電視有冇問題,田少當時喺屋企,個工人唔知點解行咗去一個地方,遇到BoBo,結果俾隻狗追佢,聽講隻腳被咬親,傷勢應該唔會太嚴重,話晒啲狗係家犬,並非野狗,希望個工人冇事啦!

一家四口四隻狗
原來香港法例都幾嚴,如果隻狗咬親人好麻煩,狗主要守規矩,例如大狗去公眾地方,一定要用狗帶。如果咬親人,更可能惹官非;田少咁鍾意養狗,有次有人見佢一家四口在山頂散步,一人拖一隻狗,有拉布拉多,有查理斯王小獵狗,都係小心啲好。
(圖)田北俊位於白加道的豪宅佔地約三萬呎,且有一個大泳池。 《壹週刊》圖片


傳真︰2623-9278
電郵︰politics@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載