› 選擇地區
三藩市
紐約
洛杉磯
其他美國地區
香港 台灣 北美
 
2002年08月17日

供應商恐報復啞忍

有立法會議員形容大型超級市場為「惡爺」,正當商人即使備受「欺凌」,卻敢怒不敢言。不少供應商昨日向記者大吐苦水的同時,驚恐之情仍溢於言表,且多番叮囑要為他們隱藏身份,以免遭到「報復」。

報復毒招提貨價
一名超市供應商昨日接受電話訪問時,表現得甚為驚慌,四十分鐘的訪問過程中,多次着記者不要披露其名字,連姓氏也不能見報,「我驚一寫出嚟佢哋(超市)會查到我係邊個,咁就好麻煩!」至於供應貨品的細節,更是半句也不允披露。
「佢哋知道咗會向我哋報復,咁就死啦!」她透露,超市的報復絕招,是將他們供應的貨品,自動提高價錢,「如果唔將我哋嘅貨減價,唔做promotion(推廣),重加埋價,就無人買我哋啲貨!」以她經驗所得,減價與非減價貨品的銷售額相差達四至五成,若超市擅自將某類貨品加價,便是變相將它們「打入冷宮」。
受訪者又稱,超市向他們徵收多項額外費用時,如他們不付,常以「除名」作恐嚇,「如果唔想畀,佢哋就會話唔同你入貨,即係唔使你做供應商,生意都無得做,你話畀唔畀?」
唯一敢於「拋頭露面」的是香港供應商協會會長李廣林,但他在接受訪問時亦多次強調,其身份是「協會代表」,「我講呢啲嘢係代表個會,因為收到好多投訴先咁講,我唔想講自己嘅情況,你估唔想做生意呀?」
本報記者

相關新聞:議員斥:合法惡爺

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載