› 選擇地區
三藩市
紐約
洛杉磯
其他美國地區
香港 台灣 北美
 
2002年06月04日

  香港機場再揚威國際 - 李八方

吳鎮宇、陳慧珊(圖)將合作拍攝《衝上雲霄》。

香港國際機場噚日又獲國際航空運輸協會頒發金鷹獎,表揚其服務「物有所值」。唔講唔知,新機場由去年一月起為飛機着陸費及停泊費優惠,令航空公司節省咗成二千萬美元,即約一億五千六百萬港元,唔怪得獲獎。
又今年協會嘅第五十八屆年會,首次喺中國舉行,地點在上海,東方航空董事長葉毅幹當主席,好不威風。機管局行政總監彭定中雖然因細佬遭不幸心情欠佳,但對獲獎仍表歡迎。今年一共有十四個機構獲金鷹獎,評審委員會推許四大機場,除香港外,其餘三個係新加坡樟宜、美國夏威夷州及塞浦路斯,香港又真係值得驕傲。
另外,八方聽聞,無綫準備六月中開個新劇集,叫做《衝上雲霄》,以新機場及航空業為背景取材,男女主角分別係吳鎮宇同陳慧珊,梗係講吓機師及空姐嘅古仔啦。佢哋日日喺機場同飛機上見盡人生百態,悲歡離合,連接生都要識,一定有內容。機管局話佢哋好支持本地電影電視,所以只要唔好影響運作,都一定借地方。


傳真︰2623-9278
電郵︰politics@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載