› 選擇地區
三藩市
紐約
洛杉磯
其他美國地區
香港 台灣 北美
 
2002年03月13日

劇中對手改名「鍾學祥」
謝天華為「鍾國昌」重新配音

謝天華(右)指劇中人與現實人物同名並不罕見。旁為另一主角吳綺莉。
《法網伊人》劇照

在《法網伊人》中飾演律師鍾國昌的鄧浩光,昨日接受本報電話訪問時表示,不相信其角色有任何影射成分,鄧浩光說:「我唔知角色有咁嘅背景,喺我接拍呢部劇嘅時候,只係覺得個角色幾特別,對我嚟講係一個新嘗試。監製亦從來冇叫我模仿任何人,相信一切都係巧合啫。」
同是飾演律師角色的謝天華,昨日在電視城接受訪問時,表示曾聽聞有關投訴,在劇集播出十多集後,他曾經要為劇集重新配音,將對白中的鍾國昌名字改為鍾學祥。
謝天華表示,人名相似經常會出現,每個劇都有很多角色,同名同姓並不出奇。「好似我喺劇中個名叫楊明,郭可盈叫沈學儀,呢兩個名大把人叫啦,唔通我喺劇中嘅楊明哨牙,就代表我影射所有叫楊明嘅人都係哨牙咩?我唔覺得公司想影射任何人!」

《TVB周刊》刪去角色
謝天華又表示,重新配音當日由於他忘了佩戴假牙,惟有用兩隻手指插在口中,以便營造哨牙發聲的效果。
除重新配音外,無綫方面亦就今次風波作出連串補救行動,其中包括將刊登於《TVB周刊》中的角色對照表上,鄧浩光飾演鍾國昌一欄刪去。
記者:楊潔雯

相關新聞:《法》劇逾二百萬觀眾收視佳

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載