› 選擇地區
三藩市
紐約
洛杉磯
其他美國地區
香港 台灣 北美
 
2002年03月08日

  唐少做部長媽咪唔鍾意 - 李八方

唐英年呢隻部長黑馬最近行情大熱,八方同大家講過,佢接受《信報》訪問時,話隨時可以放低家族生意,轉而尋求個人理想。個仔咁撇脫,雖然唔知爹哋唐翔千點睇?不過就肯定唐少媽咪唔多想。
事關八方噚日見到唐少嘅靚媽咪,唐太一聽見話問點睇唐少做部長,就即刻瞪大雙眼話「我梗係希望佢唔好做!」,又講笑話如果個仔唔做家族生意「咪要我頂上?」
咁到底唐少有冇同爹哋媽咪商量過做唔做部長?唐太就話未有正式公布前唔講得。雖然唐少媽咪話自己唔想咁高調,但就嫌身兼多項公職的兒子「已經夠晒高調!」照睇佢對愛子都似乎無晒符。
當然,唐太話做生意只係講笑,其實她的真正興趣是跟一位上海音專名師學唱歌,噚晚佢就上台演唱周旋名曲《天涯歌女》,苗條身段穿上好友手繪的繡花旗袍,點睇都似係唐少家姐多過媽咪。
(圖)唐少靚媽咪出席婦女節活動時,精心打扮獻唱《天涯歌女》,貴氣十足。


E-mail:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載