› 選擇地區
三藩市
紐約
洛杉磯
其他美國地區
香港 台灣 北美
 
2002年03月08日

緋聞女友麥家琪:「天妒英才」

羅兆輝緋聞女友麥家琪。

羅兆輝父母昨日發表「道歉啟事」,指兒子近日怪異言行全是精神問題所致,要求各界包涵,對於此啟事,城中藝人及名人各有意見。
被羅兆輝自稱給予十萬元的女星陳明君表示,「我都唔知佢做乜,如果佢身體有問題都希望佢早日就醫,不過佢真儍定假儍真係冇人知。」羅兆輝的緋聞女友麥家琪感慨地說:「唉!有乜點睇,咪天妒英才囉!估唔到只有戲先至會發生嘅劇情,竟然現實生活都有,佢唔食藥物唔會搞成咁。佢係唔係癲我唔知,相信同佢最密切關係嘅人先知。」
羅兆輝的好友何超瓊昨日在外地接受電話訪問,她表示不想回應,只說:「我唔想講呢個人,我𠵱家公幹緊,唔想答呢啲問題。」

陳昭昭:幾時了結
羅兆輝的另一緋聞女友,豔星陳昭昭則表示:「佢父母咁樣講,或者係唔想佢個仔再受傳媒壓力,呢啲是非沒完沒了,都唔知幾時先了結。市民睇羅兆輝新聞都睇到滯,希望啲傳媒唔好再畀壓力佢啦。」
本報記者

相關新聞:醫生:燒炭中毒七成人失控

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載