› 選擇地區
三藩市
紐約
洛杉磯
其他美國地區
香港 台灣 北美
 
2002年03月08日

張敏儀:世界唔同咗 需多元聲音
《獅子山下》掀同舟共濟效應


六十年代的獅子山下盡是木屋和臨時安置區。
黑白資料圖片

【本報訊】一闋《獅子山下》歌詞,財政司司長梁錦松寄語香港人重回七十年代同舟共濟的歲月。社會學者認為歌詞的確可以喚起短暫凝聚民心效應,繼後就有賴施政者是否有德政配合。曾經導演電視劇《獅子山下》獲獎、現任香港駐東京經濟貿易首席代表的張敏儀則認為「世界唔同咗」,和諧不等於onevoice(只有一種聲音);參與過《獅》劇的名導演張堅庭更直言,阿松的理念過時。 記者:蔡元貴

相關新聞:老伯憶獅山歲月苦樂

今
三、四十年變遷,獅子山下已是新型屋邨。
黃冠笙攝
三、四十年變遷,獅子山下已是新型屋邨。
黃冠笙攝
獅子山人話獅子山
羅文(主題曲主唱者):知道首歌俾財爺欽點之後,當然好開心,不過呢首歌能夠觸動人心,功勞唔係唱嗰個,而係填詞嘅黃霑。我覺得首歌真係好。 獅子山人話獅子山
羅文(主題曲主唱者):知道首歌俾財爺欽點之後,當然好開心,不過呢首歌能夠觸動人心,功勞唔係唱嗰個,而係填詞嘅黃霑。我覺得首歌真係好。
獅子山人話獅子山
許鞍華(導演):最難忘係《橋》,當時喺交通繁忙嘅龍翔道取景,不惜擅自截停啲車三分鐘拍攝,拍完先放番啲車走;夜晚重離譜,直情喺條馬路度set燈。 獅子山人話獅子山
許鞍華(導演):最難忘係《橋》,當時喺交通繁忙嘅龍翔道取景,不惜擅自截停啲車三分鐘拍攝,拍完先放番啲車走;夜晚重離譜,直情喺條馬路度set燈。
獅子山人話獅子山
黃秋生(演員):財爺搵呢首歌係「錯誤引用案例」!完全唔貼切香港時勢,呢首歌雖然叫人努力,但係當時香港正值經濟起飛,同𠵱家經濟下滑係背道而馳。 獅子山人話獅子山
黃秋生(演員):財爺搵呢首歌係「錯誤引用案例」!完全唔貼切香港時勢,呢首歌雖然叫人努力,但係當時香港正值經濟起飛,同𠵱家經濟下滑係背道而馳。
獅子山人話獅子山
黎萱﹙右﹚(演員):我曾經飾演過《天生你才》中,祥仔嘅媽咪。拍港台節目同其他電視唔同,佢哋要求好細緻,好真實,我哋喺服裝、化妝上都應佢哋要求。 獅子山人話獅子山
黎萱﹙右﹚(演員):我曾經飾演過《天生你才》中,祥仔嘅媽咪。拍港台節目同其他電視唔同,佢哋要求好細緻,好真實,我哋喺服裝、化妝上都應佢哋要求。
獅子山人話獅子山
林旭華(助理策劃):初時我重做緊記者,幫曾江飾演嘅角色記者高定文做資料搜集顧問,嗰時鄰里關係好親切,唔似得𠵱家啲人,住同一大廈幾年都唔知對方姓乜。 獅子山人話獅子山
林旭華(助理策劃):初時我重做緊記者,幫曾江飾演嘅角色記者高定文做資料搜集顧問,嗰時鄰里關係好親切,唔似得𠵱家啲人,住同一大廈幾年都唔知對方姓乜。
《獅子山下》劇照
《日出日落》(1975年) 《獅子山下》劇照
《日出日落》(1975年)
《獅子山下》劇照
《祖母祈求》(1975年) 《獅子山下》劇照
《祖母祈求》(1975年)
《獅子山下》劇照
《祖母祈求》(1975年) 《獅子山下》劇照
《祖母祈求》(1975年)
《獅子山下》劇照
《元洲仔之歌》(1977年) 《獅子山下》劇照
《元洲仔之歌》(1977年)
《獅子山下》劇照
《荷里活蘇伯》(1985年) 《獅子山下》劇照
《荷里活蘇伯》(1985年)

梁錦松的財政預算案結語引用膾炙人口的《獅子山下》歌詞,勸勉港人攜手再創繁榮,他昨日出席十八區活動時,笑稱這是他嘔心瀝血之作,希望電視可重播此劇的精釆片段。理工大學應用社會科學系助理教授鍾劍華說電視台、電台以至報章對梁錦松此舉作出正面的回響:「歌詞會喚起香港人同心同德、同舟共濟嘅精神,財爺識用小市民嘅角度同語言,好聰明,亦都好成功。」

只能帶來短暫效應
鍾劍華說,如果這種精神能夠凝固積聚,則正如上海市前市長徐匡迪所言,不致民心散渙,但團結精神不可以建基於虛無縹緲的歌詞上,《獅子山下》只能帶來短暫效應,能否持續,有賴政府施政是否與社會脈搏一致。理大應用社會科學系教授張超雄也認為,歌詞將香港人勤懇奮鬥的精神帶出:「一定有一部分人受到觸動,從而願意同政府共度時艱,可惜預算案冇好好配合,睇唔到有任何回應失業人士嘅需要。」
當年執導《獅》劇《日出日落》勇奪伊朗青年導演節導演獎的張敏儀,昨日在東京接受越洋訪問時說,她知道《獅子山下》主題曲近年又紅起來,很多人唱,幾乎成為「香港之歌」。她說,《獅》劇的時代,社會充滿人情味:「我哋拍過好多廉租屋嘅故事,好有人情味,好希望《獅子山下》、《小時候》等溫馨劇嘅感覺會返嚟。」
記者問她有否感到香港今非昔比,「張大姐」則強調香港要「和而不同」:「雖然𠵱家人情味係淡咗,但係香港人居住環境改善,係無可否認嘅……世界唔同咗,我唔覺得香港人唔團結,睇邊個階層啦!社會上係好應該有不同聲音嘅,和諧唔等於onevoice,社會需要多元聲音。」

張堅庭:不適用現時
曾參與《獅子山下》幕前幕後演出的名導演張堅庭也表示,不覺得現時香港人失去互助互諒的精神,反而有條件擴闊私人空間,是一種進步,不可能走回頭路:「《獅子山下》嘅歌詞係小城市經濟下嘅情況,並唔適合現代大都會情懷,七十年代條件𠵱家已經落伍,梁錦松用呢首歌已經過時。政府要香港人團結,但係百花齊放唔好咩?社會需要有多元化、吵鬧嘅聲音,團結嚟做乜先?團結支持政府做錯?定係團結支持董建華?」
浸會大學傳理學院電影電視系系主任吳昊指出,《獅子山下》背後是香港經濟開始起飛,市民逐步脫離貧窮,但仍不見得富庶,各人都需要努力奮鬥,充滿向上的精神;現時的人都失去這種掙扎求存精神。

相關新聞:霑叔三日寫成主題曲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載