【迎鼠年】車公顯靈!籤文早料港「暴亂」 解籤師傅:明年前景悲觀

更新時間 (HKT): 2020.01.22 00:04

兩年前,新界鄉議局主席劉業強到車公廟為香港求得41中籤,當年更發生「調錯籤」烏龍事件。那年,解籤師傅陳天恩曾狠批兩支籤都是「衰籤」,更預言「香港市民將會有一次暴亂」。結果那年暴亂沒有發生,陳師傅指很多人以為他在開玩笑,沒料到去年6月反送中運動展開後,許多香港人度過多個難眠之夜。對於即將踏入庚子鼠年,劉業強再為香港求得一支怎樣的籤文?陳師傅預言,「除非將籤筒入面嘅籤換晒佢,如果唔係無可能會有好籤」。

記者:李雨夢

2018年的年初二,劉業強為香港求得41中籤,一度發生司儀烏龍調錯籤事件,41籤籤文為「攝衣欲過灘頭海,轉計回來怕濕身,人若不信辛苦事,何能取得保安寧」,解曰︰凡事小心,自身平吉,求財吉利,家宅後吉。當年解籤師傅陳天恩指無論是41籤或司儀宣佈的21籤都是「衰籤」,更一度預言香港或會出現暴亂。

陳天恩兩年後接受《蘋果》訪問,坦言當時有很多人都以為他在開玩笑,再次回顧籤文,陳說「你睇『攝衣欲過灘頭海,轉計回來怕濕身』呢兩句,就係樣樣嘢都驚,咁邊會有成功?當時林鄭話要令到香港非常繁榮,佢有無真實去做過呢?佢自己都無,無邊度會成功啊?咪盞俾人哋踩囉,我就話一定會有暴亂,搞到佢自己周身唔掂」。

而去年劉業強在車公廟求得86中籤,籤文為「石田為業喜非常,畫餅將來未見香;怎曉田耕耘不得,那知餅食不充腸。」解曰︰出入謹慎、家宅不吉、自身平安、求財不遂。去年陳天恩形容籤文預視香港未來一年形勢非常之差,更曾揚言︰「(香港)來年有好日子過,斬我個頭當凳坐!」

想起去年的豪言,陳天恩只嘆「舊年我話林鄭會衰到貼地,以人頭擔保,都無人信,個個都話我輸梗個人頭,嗰時個氣氛好多人都唔會相信,諗住邊度會有事吖」。新年期間,《逃犯條例》修訂仍未推出。他直言86籤比前年的41籤更「衰」,「衰好多倍,『石田為業喜非常』,石田係唔能夠耕種,明指香港走到去一個盡頭,『畫餅將來未見香』,畫出嚟嘅餅都唔食得,大家只能夠望梅止渴,喺咁嘅情況下,市民心態會點呢?」

對於來年香港運程,陳天恩直言將會「好淒涼,我同香港推算過,喺經濟方面一定比舊年差,一路走向谷底」,看似絕望,他指解決之途只有林鄭月娥下台,「(保安局局長)李家超、(律政司司長)鄭若驊兩位跟住落埋台,搵一位能幹嘅上嚟」。陳天恩指車公籤文非常靈驗,對於鼠年年初二劉業強將再次為香港求籤,他說,「除非將籤筒入面嘅籤換晒佢,如果唔係無可能會有好籤,絕對無可能」。

記者曾致電鄉議局秘書處查詢年初二求籤安排,秘書處回覆指劉業強會繼續到車公廟求籤,目前安排如常,但未知屆時保安會否因應近期社會事件而加強。

一格照片,一個故事,Follow蘋果Instagram!
BannerBanner