【4點鐘調查你,Sir!】英國人都撐BNO享居英權 半年抗爭為後路定為這片土地?

更新時間 (HKT): 2019.12.10 01:00

早前英國有民調訪問逾2,000名英國公民,發現近半數支持讓持有BNO的香港人享有居英權。假若港人得到了英籍,移民英國會是一道出路,還是留作一條後路?有phone-in觀眾黃先生指,「如果要用手足嘅命,去換BNO返嚟,係咪人血饅頭呢?如果大家有晒居英權,個個去晒英國,咁點樣光復香港?」

Goodbye HK Hello UK專頁香港負責人Billy Wong坦言,他不主張BNO實行全面平權,直指做法「未必係最幫到香港人嘅嘢,只不過我哋不能否認,現時有一批香港人有此訴求。」而正值英國人關注香港人權問題高峯,若可配合英官員推動,Billy認為BNO持有人同享居英權一事可以成真。

精華剪輯

續領BNO近來繼續是熱話,甚至有團體自資自發在英國做民調,為香港人爭取居英權試水溫。《蘋果》直播節目《4點鐘調查你,Sir!》,邀請Goodbye HK Hello UK專頁香港負責人Billy Wong,今次不拆解公眾續領疑難,改而評估BNO享居英權的可行性。

Billy坦言當英國媒體把香港情況放在鎂光燈下,當地民意的確普遍對港人有「同情」,一旦有相關方案,的確會支持通過。他又說往日都有政客將同一議題投入英國政壇討論,「以往都有國會議員提出,推動呢個運動時,無人睬佢……甚至當佢膠膠地。」但香港演變至今日狀況,「其實個風向係轉咗嘅。」

但有1997年後出生的黃先生問到,《中英聯合聲明》一日仍生效,批出英籍將違反《聲明》條文。黃認為,當香港局勢都已惡化至此,「已經無得再差」,而英國亦曾就《聲明》說明中國已嚴重違反條約,批出英籍未必不可行。黃又強調,假若有日「BNO享居英權」生效,「你畀居英權佢哋,究竟係呢班人貪生怕死啊而離開香港啊?定真係想幫香港呢個地方,光復香港啊?」Billy承認BNO完全平權未必是幫助香港人的最好辦法,同時,也不能避免包括香港警察等任何職業人士取得相同權利。

一格照片,一個故事,Follow蘋果Instagram!
BannerBanner